سبب حظر حسابك فى الفيس بوك ، حل مشكلة حظر الحساب فى الفيس بوك 2013

سبب حظر حسابك فى الفيس بوك ، حل مشكلة حظر الحساب فى الفيس بوك 2013

حل،مشكلة،حظر،حساب،فيس،بوك،باندفيسبوك،باند،كومنت،باندلايك، فيس بوك

سبب حظر حسابك فى الفيس بوك ، حل مشكلة حظر الحساب فى الفيس بوك 2013

سبب حظر حسابك فى الفيس بوك ، حل مشكلة حظر الحساب فى الفيس بوك 2013

السلام عليكم ورحمة الله وبركاتة

انا عامل اكونت فيس بوك من 6 سنين

والحمد لله الاكونت شغال تمام ومفيش اى مشكلة


ندخل على سبب حظر اكونت بتاع حضرتك على الفيس بوك

اولا نوع الحظر

1- كومنت
2-لايك
3-رسائل

ناخد كل واحد فيهم بهدووووووء >> عماد اديب


اولا حظر حساب فيس بوك بسبب الكومنت


ياعم الحج انت راجل بتفهم وتمام كل متشوف صورة او موضوع عجبك فى الفيس
ترد على الموضوع دا رد باختصار تجيب من الاخر زي ما بيقولو

مثلآ



انا عندى صفحة على الفيس بوك اسمها منتدى موهوب

هنزل ليكم صورة او بوست زي مبتقولو البوست دا فى نكتة ، او صور مكتوب فيها سبحان الله

المطلوب منك انك تكتب تحت الصورة سبحان الله مرة واحدة فقط

ولو نكتة تكتب نكتة جميلة واضحك براحتك او تكتب نكتة لذيذة واضحك بردو براحتك

انما متبقاش زي عمك عبدو الاهبل وتعمل كدا
( ههههههههههههههههههههههههههه كتير جداههههههههههههههههههههههه )

هو دا كلام ينفع يعنى

عمك الحج مارك صاحب الفيس بوك عامل نظام حماية انك لو عديت العدد المسموح فى حرف معين بيروح اكلك باند اسبوعين ، اول شىء بعد ما حضرتك تاكل الباند
متحاولش تروح تكتب لانك اخد باند ومش هتعرف تكتب لو عملت قرد
طيب ازاى تفك الباند ؟ الباند انت مش هتعرف تفكو المطلوب منك تصبر 15 يوم وهو هيتفك لـ واحدو ولو حاولت تكتب مرة واحدة فى خلال ال 15 يوم هتاخد باند تانى 30 يوم وهكذا

المشكلة رقم 2

حظر حسابك فى الفيس بوك بسبب لايك

نفس الكلام يا باشا انت تم حظر حسابك لانك بتستخدم الفيس بوك استخدم سئ
يعنى اية سئ يا عم سيد ؟
يعنى انت بتكون صاحى من النوم وبتفتح الفيس بوك وطبعا اول مبتشوف الصفحة بتلاقى منشوارت


منشوارت اصحابك ومنشوارت الصفحات الا انت مشترك فيها
وطبعا لآزم تعمل دور واجب مع الناس دي وتفضل شغال لايك لايك لايك لايك لايك
طبعا الفيس بوك مش بيعدى الكلام دا كل حاجة محسوبة
طبعا نظام الحماية بتاعت الفيس بوك لازم يوقفك عشان كل دا ضغط على النظام
وهما عايزين استخدام بتاع ناس محترمة
يعنى متجيش تفتح الصفحة تعمل ل كلو لايك 10 منشورات المفروض تعمل لهم لايك فى مش اقل من 5 دقايق يعنى بين كل لايك والتانى 30 ثانية اقل شىء
وان شاء الله مش هتلاقى الحظر نهائى


السبب التالت والاخير

حظر اكونت فيس بوك بسبب رسائل ، الرسائل ، الدردشة والاخرى

الرسائل بتتقسم لـ 3 اشياء

رسالة دردشة

رسالة خاصة

ارسال طلب صداقة


اولا رسائل الدردشة

سبب حظرك هى حاجة واحدة ملهاش اتنين

تكرار الكلام لاكتر من شخص فى نفس الدقيقة

يعنى عندك 3 اصدقاء بتكلمهم

تدخل على كل واحد فيهم هاااااااااى هااااااااااااى هاااااااااى

او السلام عليكم السلام عليكم السلام عليكم

او ازيك ازيك ازيك

دا اسمو سبام يعنى اية سبام يعنى تكرار الكلام او تكرار المعلومات


فبتلاقى حضرتك اخد حظر من ارسال الرسائل او المحادثة

المفروض تعمل اية ؟

مش انا الا هقولك تعمل بناقص هاى وممكن تكتب كلام تانى المهم متكررش الكلام اكتر من مرة وخلاص

السبب التانى والتالت
حظر حسابك فى الفيس بوك الرسائل الخاصة

متحاولش تبعت رسالة لشخص انت مش صديق عندو ،
ومتحاولش تبعت طلب صداقة ل شخص انت متاكد انو مش هيقبل الطلب عشان الشخص الا انت بعتلو الطلب دا ممكن يبلغ انك شخص مزعج وبكدا هتاكل باند اساسي ..............




ياريت كلنا نمشى بالنظام دا وان شاء الله مش هيحصل انك تاخد باند نهائى

     

اى خدمه ولو محتاجين اى استفسار انا موجود